వాతావరణంలో కంటికి కనిపించక సూక్ష్మరూపంలో ఉండే బ్యాక్టీరియాను తన రెక్కలతో నాశనం చేసేశక్తి ఉన్న ఒక కీటకజాతిని శాస్త్రవేత్తలు గుర్తించారు. ఇది నానో సైజులో ఉండే బ్యాక్టీరియాను పూర్తిస్థాయిలో అంతం చేయగలదన్నారు. ఆస్ట్రేలియా దక్షిణ ప్రాంతంలో కనిపించే ‘సికాడా’ అనే ఈ కీటక రెక్కలకు బ్యాక్టీరియాను నాశనం చేసే శక్తి ఉంటుందన్నారు. ఇలా అత్యంత సహజసిద్ధంగా బ్యాక్టీరియాను నాశనం చేయగల శక్తి ఉన్న ఒక జీవిని గుర్తించడం ఇదే తొలిసారి. హాత్రోన్‌లోని స్విన్‌బర్న్ యూనివర్సిటీ అధ్యయనకర్త ఎలెనె ఇవనోవా ఈ కీటక ం గురించి వివరించారు. ‘నేచర్’ జర్నల్‌లో దీని గురించి ప్రచురించారు. ఈ కీటకం రెక్కలకు ఉండే ‘నానోపిల్లర్స్’ను తాకితే బ్యాక్టీరియా అంతమవుతుందన్నారు. రెక్కల అంచులు చాలా పదునుగా ఉంటాయని, వీటిని తాకితే నానోసైజుస్థాయి బ్యాక్టీరియా కూడా తునాతునకలు అయిపోతుందన్నారు.